దమ్ము – సినిమా రివ్యూ

దమ్ము – సినిమా రివ్యూ

నటీ నటులు : “తారక్” (Jr. NTR), త్రిష, కార్తిక (ఇదివరకటి హీరోయిన్ రాధ కూతురు), కోట శ్రీనివాస రావు, బ్రహ్మానందం, అలీ, సుమన్, భానుప్రియ, తొట్టెంపూడి వేణు (అతిథి పాత్రలో)

సంగీతం: M.M. కీరవాణి.

దర్శకత్వం: బోయపాటి శీను

దమ్ము సినిమా ఒక సీదా సాదా ‘బోయపాటి మార్కు’ సినిమా. అప్పుడప్పుడు మాట మాటకి ..ఫది సుమోలు గాల్లోకి లేస్తుంటాయి, వేట కొడవళ్ళు, కత్తులు, కటార్లు, ఒక్కగుద్దుకి పాతిక ముఫై అడుగుల ఎత్తుకు ఎగిరిపడే fighters…..పెద్దగా మార్పు లేదు. జూనియర్ ఎన్టీయార్ కూడా అదే మూసలో పడిపోయాడు పాపం. అవే మీసాలు తిప్పడం, తొడలు కొట్టడం, అరవడం..............అబ్బో భరించడం కష్టమే కాస్త.

కధ మామూలుగా రెండు వంశాల మధ్య గ్రామ తగాదాలు, చంపుకోడం. కొంత వెరైటీ గా ఏడాదికి ఒక్కసారే నరుక్కుందాం అని ఒక ఒప్పందానికి వస్తారు గ్రామా పెద్దలు. అదేదో పండగ రెండు రోజులు నరుక్కుంటారుట  డానికి రెండు రోజుల ముందు తాంబూలాలు పుచ్చుకుంటారుట. అలా ఒక డెబ్భై  ఏళ్ళ పగ అది.......మన హీరో గారు  వచ్చి దాన్ని  రూపుమాపుతారు అది క్లుప్తంగా కధ.

తారక్ బాగా చిక్కి చూడ్డానికి చలాకీగా ఉన్నాడు. మీసకట్టు బాగా నప్పింది. త్రిష కి ఇంక వయసు అయిపొయింది, బాగా ముదర ఆంటీ లా  కనబడుతోంది. ఇంక ఆవిడ నాగార్జున, వెంకటేష్ అలాంటి వాళ్ళతో నటిస్తే బావుంటుంది. సన్నగా ఉండటం తప్ప హీరోయిన్ కి ఉండే ఆ Spark నాకు కనబడలేదు. రెండో హీరోయిన్ కార్తిక నాజూకుగా ఉంది. ఆ అమ్మాయి బాగా పొడుగు, తారక్ కంటే బాగా పొడుగు...కాని మొహం లో అందం గాని కళ గాని పెద్దగ నాకు కనబడలేదు, వీళ్ళిద్దరికీ పెద్ద నటనకి ఆస్కారం లేదు, హీరో గారికి అటూ ఇటూ మీద పడటం తప్ప.

మొదటి భాగం ఉన్నంతలో కాస్త నయం. కధనం బావుంది ఉన్నంతలో. రెండో భాగం పూర్తిగా చిరాకు వేస్తుంది. అక్కడక్కడ సెంటిమెంటు సీన్లు బాగా తీసాడు బోయపాటి శీను, నాకు కళ్ళు కాస్త చెమర్చాయి. పాటలన్నీ సుద్ద వేష్టు.  “ప్రచండ చండ  మార్తాండ తేజ..................Ruler” అన్న పాత  మాత్రం చాల బాగా తీసారు. ఈ పాటలో Costumes / Graphics/ Photography/ music అద్దిరాయి.

నేను వద్దన్నా చూసే వాళ్ళు చూస్తారు, కొందరికి పొరబాటున నచ్చినా  నచ్చచ్చేమో? చెప్పలేము కదా? నా వ్యక్తిగత అభిప్రాయం, చూడక పోయిన పర్వాలేదు. ఇంక రేటింగ్ అంటారా............................2.50/5.00

రచ్చ - రాం చరణ్ సినిమా రివ్యూ

Raccha – Telugu Cinema Review

‘ఆరెంజ్’ సినిమా దెబ్బై పోయినా కూడా ఇంకా మన వాడికి బుద్ధి రాలేదు అన్న మాటకి, “మెగా గుడ్ ఫిల్మ్స్ “ వారి రచ్చ ఒక నిదర్శనం. ఆ మహాను భావుడు సంపత్ నంది (ఈ సినిమా దర్శకుడు) ఏమి సినిమా చూపించి రాం చరణ్ తేజ (ఈ సినిమా హీరో) ని ఈ సినిమాకి ఒప్పించాడో ఇంకా నాకు అర్ధం కావడం లేదు. ఎక్కడా ఇందులో ఒక చెప్పుకోదగ్గ డైలాగు కాని, సన్నివేశం కాని, కామెడి కాని మచ్చుకి కూడా కనబడవు.

రాం చరణ్ చిన్నప్పుడు పాత్ర లో వేసిన బాల నటుడ్ని సరిగ్గా భలే  వెతికి పట్టారు. అచ్చు రాం చరణ్ లాగే తేడా ముఖం పొడుగు గెడ్డం, వెర్రి నవ్వు చాలా బాగా కుదిరాయి.

“వంశ పారంపర్య హీరోల” బ్రతుకులు ఎలా బుగ్గి పాలు చెయ్యచ్చో ఈ రచ్చ సినిమా లో చాలా బాగా చూపించాడు మన సంపత్ నంది. అర్ధం పర్ధం లేని (కుటుంబం గురించిన ) డైలాగులు:  “మా వెనక జనం ఉన్నారు, నా తండ్రి ని ఏమైనా అంటే ఊరుకోను” ఇలాంటి చిల్లర డైలాగులు, నేల టిక్కెట్టు వాళ్ళ  చేత మొదటి రెండు మూడు షోల్లో ఈలలు తప్పట్లు కొట్టిన్చుకోడానికి పనికొస్తాయి, తర్వాత షోల్లో అవి కూడా ఉండవు లెండి. ఈ మూసల నించి బయట పడక పోతే మన వంశ పారంపర్య హీరో లకి భవిష్యత్తు లేదు అని  ఎంత తొందరగా గ్రహిస్తే వీళ్ళకి అంత మంచిది. లేదంటే వాళ్ళ తండ్రులు కోటీశ్వరులు, వాళ్ళ తర్వాత వీళ్ళు లక్షాధి కారులు అవుతారు అంతే.

సినిమా గురించి చెప్పుకోడానికి నాకైతే ఏమి కనబడలేదు. ఒక ఫది “బోలెరో లు” ఒక పాతిక మంది నల్ల సూటు రౌడీలు, నల్ల కళ్ళద్దాలు, సమయం సందర్భం లేని Fightingలు. ఎందుకు వెళ్తారో ఎక్కడికి వెళ్తున్నారో తెలియకుండా చేసింగ్ లు. ఉత్తుత్తినే బోలేరోలు గుద్దేసుకోడం, పెలిపోడం వీటినే త్రిల్ల్స్ అంటారేమో తెలియదు. కొత్తగా ఉంటుందని చైనా వాళ్ళలా కనబడే వాళ్ళతో వెదురు చెట్ల మధ్య Chinese type fightings.

అలీ కనబడిన కాస్సేపు కాస్త ఎడారిలో సేద తీరినట్టు అనిపించింది. ఇంక బ్రహ్మానందం ఇలాంటి సినిమాల్లో వెయ్యడం మానేసి ఇంట్లో కూర్చుంటే మంచిది. కోట శ్రీనివాస రావు కూడా అంతే.

సినిమా కీ టిక్కట్టు కోన డానికి పెట్టిన డబ్బుకి కాస్త ఏదైనా వసూలు అయ్యిందా అంటే? “తమన్నా” ఒక్కటే జవాబు. అమ్మాయి మెరుపు తీగలా ఉంది. వానా వానా వెళ్ళు వాయే పాట లో చాలా బాగుంది. “డిల్లకు డిల్లకు.....” పాట లో మ్యూసిక్ కోత్తగా ఉంది....బీట్ బావుంది. ఆ పాటకి ఇద్దరి స్టెప్స్ కూడా బావున్నాయి.

టైటిల్ సాంగ్ “రచ్చ” సాహిత్యం లో చాల కామెడి బిట్స్ ఉంటాయి ఒక్క ఉదాహరణ ఒక చరణం లో రాం చరణ్ గురించి పాడుతూ....He is a Sexy Star…………అని పాడుతారు పక్కన ఉన్న కొసరు తారలు (Extra dancers). మన గుర్రం మొహం కుర్రాడు అంత sexy  గా ఎవరికీ, ఎలా కనబడ్డాడో నాకు ఇప్పటికి అంతుబట్టని మిస్టరీ గా ఉంది పోయింది. లేదా బహుశా Sexy  అటే బాగా డబ్బున్న వాడు అన్న వేరే అర్ధం వస్తుందా? మనోడు అక్కడక్కడ హిందీ డవిలాగులు కొడతాడు – పిచ్చ కామెడిగా ఉంటుంది అప్పుడు (మన వాడి  హిందీ ఉచ్చారణ)

వీలు అవకాశం ఉన్నవాళ్ళు ఈ సినిమాని చూడకుండా తప్పించుకోండి. తప్పలేదు అనుకుంటే భరించడానికి తయారవ్వండి. మిగతాది మీ ఇష్టం.

రేటింగ్ ఎంత అంటారా ....అబ్బే 2 – 2.25 కీ మించి రావడం లేదండి.